СИАХСЦЫД

СИАХСЦЫД
Чындзы куы рахæссынц, уыцы изæр сиахс къухылхæцæг кæнæ æмдзуарджын æмæ цалдæр лæппуимæ ацæуы йæ каистæм. Уый хуыйны сиахсцыд (кæс Сиахсы цыд).
Чызгæрвитджытæ, хионтæ æмæ сыхæгтæ се ппæт сæ хæдзæрттæм нæма ацæуынц, чидæртæ та дзы сæрмагондæй сиахсы феныны тыххæй баззайынц.
Чызджы бинонтæ, сыхаг лæппутæ æмæ чызджытæ уазджытыл бацин кæнынц, саразынц сын фынг. Сыхаг лæппутæй исчи сбады хистæрæн.
Сиахс æмæ йе ‘мбæлттæ семæ ахæссынц къафеттæ æмæ сæ сылгоймæгтæ æмæ чызджытыл байуарынц. Уыдон сын фæарфæтæ кæнынц.
Иу рæстæг сиахс æмæ йе ‘мбал лæппутæ æфсинтæм бацæуынц. Æфсинтæ сын нуазæнтæ авæрынц. Хæдзары хистæр сылгоймаг йæ нуазæн ратты сиахсмæ, иннæтæ та, кæмæн куыд æмбæлы, афтæ. Сиахс æмæ йе ‘мбæлттæ раарфæ кæнынц, йе гъдау æмæ йе фсарм кæмæн куыд амоны, афтæ агуывзæйы æхца сæвæрынц æмæ сæ фæстæмæ раттынц.
Дыккаг бон чындзæн йæ цæгат æрбахæссынц хуын. Хуындзаутæ – цалдæр адæймаджы, æвзæрст фæсивæд, æгъдауджын, иу сын хистæр. Лæппуйы бинонтæн сæ бон куыд у, афтæ барæвдауынц уазджыты, саразынц хъазт.
Чындзæн йæ цæгатæй йемæ вæййы иу-дыууæ лæппу кæнæ чызг-æмбалы. Хуындзаутæ куы сбадынц, уæд сын уыдон æртæ чъирийы рахæссынц. Хуындзаутимæ ацæуынц фæстæмæ. Дыккаг бон дæр æмæ æртыккаг бон дæр сыхы сывæллæттæ чындзмæ уынæг фæцæуынц, æмæ сæ уый истæмæйты барæвдауы, чызджытыл лентытæ бабæтты.

Словарь по этнографии и мифологии осетин. 2014.

Смотреть что такое "СИАХСЦЫД" в других словарях:

  • СИАХСЦЫД – перевод — см. СИАХСЦЫД После того как невесту увозят, жених с шафером или дружкой и еще несколькими молодыми людьми приезжает в дом невесты (см. Сиахсы цыд). Его приезда ждут с нетерпением: родственникам и соседям интересно взглянуть на выбор невесты.… …   Словарь по этнографии и мифологии осетин

  • ЧЫНДЗÆХСÆВЫ ÆГЪДÆУТТÆ — Свадебные обряды МИНÆВАР ФИДАУДЖЫТÆ СУСÆГЦЫД КЪУХЫЛХÆЦÆГ ÆМÆ ÆМДЗУАРДЖЫН ЧЫНДЗХАСТ ЛÆППУЙЫ ХÆДЗАРЫ …   Словарь по этнографии и мифологии осетин


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»